Scottish Languages Bill (Gaelic) - Gaelic and Scots commitments: consultation analysis
'S e an sgrìobhann seo mìneachadh bho thaobh muigh an Riaghaltais den cho-chomhairleachadh a chaidh a chumail air Gàidhlig, Albais is Bile nan Cànan Albannach.
Beachdan a fhuaras air Pròiseas a' Cho-chomhairleachaidh
3.1 An àireamh de fhreagairtean
Tha freagairtean co-cheangailte ri beachdan air pròiseas a' cho-chomhairleachaidh a' gabhail a-steach freagairtean do na ceistean a leanas. Tha an clàr a' sealltainn an àireamh de fhreagairtean a fhuaras airson gach ceist.
| Ceistean | An àireamh fhreagairtean |
|---|---|
| Dè cho riaraichte 's a bha thu leis a' cho-chomhairleachadh seo? | 671 |
| Dè cho riaraichte 's a bha thu le bhith a' cleachdadh a' ghoireis seo (Citizen Space) gus freagairtean a thoirt dhan cho-chomhairleachadh seo? | 654 |
3.2 Sùil air brìgh nam freagairtean
3.2.1 Ìrean riarachaidh a thaobh a' cho-chomhairleachaidh
| Freagairtean | Gu h-iomlan | Ceudad |
|---|---|---|
| Glè mhì-riaraichte | 86 | 11.47% |
| Beagan mì-riaraichte | 53 | 7.07% |
| Cha robh mi riaraichte no mì-riaraichte | 179 | 23.87% |
| Beagan riaraichte | 140 | 18.67% |
| Glè Riaraichte | 213 | 28.40% |
| Cha tug iad freagairt seachad | 79 | 10.53% |
Am measg nan cuspairean a nochd sna beachdan a fhuaras air pròiseas a' cho-chomhairleachaidh bha:
a) Bha e na chuideachadh gun deach fiosrachadh co-cheangailte ri ceistean a' cho-chomhairleachaidh a thoirt seachad còmhla riutha.
b) Do chuid a luchd-freagairt, bha na ceistean farsaing agus fosgailte. Do chuid eile, cha robh na ceistean soilleir gu leòr agus 'cha robh na briathran a chleachdadh uabhasach fhèin brosnachail'.
c) Tha na ceistean sa cho-chomhairleachadh a' feuchainn ri daoine a stiùireadh sna freagairtean aca. Tha iad a' gabhail ris gum bu chòir Gàidhlig a chur air adhart an àite a bhith a' coimhead air a' chùis bho shealladh neo-phàirteach.
d) Cha robh tuigse gu leòr sa cho-chomhairleachadh air cho cudromach 's a tha cànan na h-Albais.
e) Do chuid a luchd-freagairt, bhathar a' gabhail ris sna ceistean gun robh luach sna h-iomairtean agus mar sin bha na ceistean a' feuchainn ri freagairtean dhaoine a stiùireadh. Cha robh an co-chomhairleachadh ach a' sireadh dearbhadh air luach nan iomairtean.
f) Thuirt beagan luchd-freagairt gun robh iad riaraichte le tachartasan a' cho-chomhairleachaidh.
g) Bu chòir co-chomhairleachaidhean fa leth a bhith ann ann an cànanan eile. Thuirt aon neach-freagairt, ''S urrainn dhomh freagairt ann an Gàidhlig, ach tha na ceistean ann am Beurla. Fhreagrainn ann an Gàidhlig nam biodh na ceistean ann an Gàidhlig. Nam faighnicheadh sibh mu sgìrean Gàidhealtachd ann an Gàidhlig, gheibheadh sibh freagairt eadar-dhealaichte air sgàth 's gu bheil ciall gu math nas toinnte aig Gàidhealtachd ann an cultar nan Gàidheal nuair a thuigeas tu an cànan. Cha bhiodh ceangal ann eadar am facal Gàidhealtachd agus an saoghal oifigeil nad inntinn, mar a tha ann am Beurla'.
3.2.2 Ìrean riarachaidh a thaobh a' ghoireis Citizen Space
| Freagairtean | Gu h-iomlan | Ceudad |
|---|---|---|
| Glè mhì-riaraichte | 52 | 6.93% |
| Beagan mì-riaraichte | 23 | 3.07% |
| Cha robh mi riaraichte no mì-riaraichte | 175 | 23.33% |
| Beagan riaraichte | 147 | 19.60% |
| Glè Riaraichte | 257 | 34.27% |
| Cha tug iad freagairt seachad | 96 | 12.80% |
Am measg nan cuspairean a nochd sna beachdan a fhuaras a thaobh a bhith a' cleachdadh a' ghoireis Citizen Space sa cho-chomhairleachadh bha:
a) Dhan a' mhòr-chuid de luchd-freagairt, bha e furasta gu leòr an goireas a chleachdadh.
b) Do chuid a luchd-freagairt, bha coltas ann gun deach an goireas a dhealbh gus freagairtean a thoirt seachad sam biodh leiteachas a' nochdadh.
c) Do bheagan luchd-freagairt, bu chòir na saigheadan treòrachaidh a bhith aig mullach na duilleige.
Contact
Email: niall.bartlett@gov.scot
There is a problem
Thanks for your feedback