Bile Seirbheis Nàiseanta a' Chùraim (Alba) Ceistean is Freagairtean – seiseanan conaltraidh

A' toirt piseach air seirbheisean

Dè thachras do Thaic is Dìon Inbheach fon t-Seirbheis Chùraim Nàiseanta?

• Tha Taic agus Dìon Inbheach na pàirt deatamach de phròiseasan slàinte, obair shòisealta agus cùram sòisealta. Mas e is gun tèid an t-Seirbheis Chùraim Nàiseanta a chruthachadh, dh’fheumamaid dèanamh cinnteach gun tèid atharraichean a dhèanamh air Achd Taic agus Dìon Inbheach (Alba) gus an urrainn do dh’inbhich a tha ann an cunnart bho chron cumail orra a’ faighinn làn thaic agus dìon taobh a-staigh an fhrèama ùir a rachadh a chruthachadh.
• Bidh lìonraidhean Taic agus Dìon Inbheach agus luchd-ùidh ag obair gu dlùth le chèile gus dèanamh cinnteach gum bi seirbheisean agus modhan-obrach a’ sìor leasachadh, tro fhèin-luachadh; trèanadh; a’ co-roinn deagh chleachdadh is ionnsachadh, agus a’ gabhail pàirt ann am fòraman is lìonraidhean nàiseanta.

Ciamar a nì an t-Seirbheis Chùraim Nàiseanta cinnteach gum faigh a h-uile duine an roghainn solaraiche aca fhèin?

• Tha am feum air dòigh-obrach stèidhichte air an neach dhaibhsan uile a tha a’ sireadh cùram is taic bhon t-Seirbheis Chùraim Nàiseanta na phrìomh phrionnsapal san obair againn, agus tha roghainnean mu chùram is taic na leudachadh air seo.
• Tha sinn an dùil gum bi seo soilleir san obair cho-dhealbhachaidh againn agus gum bi an conaltradh seo ro-chudromach, tro obair leithid Cairt Chòraichean, ann a bhith a’ stèidheachadh prionnsapalan thar gach suidheachadh a bheir comas do gach neach a tha a’ sireadh cùram is taic gus an cùram agus an taic as iomchaidh dhaibh a thaghadh.

Dè ur beachd a thaobh ro-chasg agus eadar-theachd tràth? An ann mu dheidhinn lìbhrigeadh seirbheis a-mhàin a tha an t-Seirbheis Chùraim Nàiseanta agus a bheil na dòighean a thaobh ro-casg a’ suidhe ann an àiteachan eile?

• Fon t-Seirbheis Chùraim Nàiseanta, thèid prìomhachas a thoirt do ro-chasg gus dèanamh cinnteach gun urrainn do dhaoine gluasad gu rèidh eadar diofar sheòrsaichean cùraim agus taic mar a bhios na feumalachdan aca ag atharrachadh.
• Bidh pròiseas co-dhealbhachaidh ann gus roghainnean a sgrùdadh gus eadar-theachd thràth agus ro-chasg a bhrosnachadh.
• Tha am meòrachan Poileasaidh a tha an cois a’ Bhile ga dhèanamh soilleir gum feum plana ro-innleachdail a bhith a’ nochdadh phrionnsapalan na Seirbheis Cùraim Nàiseanta agus is e aon dhiubh sin gum bi seirbheisean a tha an t-Seirbheis Chùraim Nàiseanta a’ toirt seachad stèidhichte air eadar-theachdan tràth a chuireas ro-chasg no dàil air leasachadh feumalachdan cùraim agus a lùghdaicheas feumalachdan cùraim a tha ann mar-thà.

Tha gainnead bhuidhnean cùraim is taice agus Luchd-cuideachaidh Pearsanta ann an-dràsta air feadh na h-Alba. A bheil gealltanas ann a bhith a’ cumail taic ri barrachd roghainnean cùraim is taice do choimhearsnachdan?

• Tha rùn aig Riaghaltas na h-Alba piseach a thoirt air cùram agus taic air feadh na h-Alba.  Tha am Prògram Taic san t-Slighe cheart (Support in the Right Direction - SiRD) air a lìbhrigeadh tro aontaidhean com-pàirteachais le buidhnean san treas roinn anns gach tè de na 32 sgìrean ùghdarras ionadail ann an Alba. Tha na buidhnean com-pàirteachais a’ toirt tagradh neo-eisimeileach do dhaoine agus an luchd-cùraim mu chùram sòisealta agus Taic Fèin-stiùirichte sna sgìrean ionadail aca.
• Chaidh sgioba ùr le fòcas air Leasachadh Taic Fèin-stiùirichte a stèidheachadh le fòcas bunaiteach air ath-sgrùdadh a dhèanamh air an Stiùireadh Reachdail làithreach.
• Chaidh Bòrd a’ Phrògraim PA (Luchd-taic Pearsanta - Personal Assistants) a stèidheachadh ann an 2021 gus làn thuigse a thoirt air na cùisean nas fharsaingeachd a tha a’ toirt buaidh air PAan a’ gabhail a-steach fastadh agus plana obrach a chruthachadh a tha a’ mìneachadh nan amasan agus builean a tha riatanach gus làn aithneachadh a thoirt dhaibh mar phàirt den fheachd-obrach cùram sòisealta.
• Tha cho-obrachadh a’ dol air adhart a-nis a bheir taic do leasachaidhean airson feachd-obrach nam PA.