Scots Government Commitments tae Gaelic an Scots an Scots Langages Bill: consultation

Consultation arrangements - Giein yer repone tae this Consultation

The Scots Government is efter thochts anent hits commitments tae Gaelic an Scots an a Scottish Langages Bill.

Please gie yer repone tae this consultation uisin the Scots Government's consultation hub, Citizen Space. Fin an gie yer repone tae this consultation online at https://consult.gov.scot/education-reform/g aelic-and-scots-scottish-languages-bill

Ye kin save an rejyne yer repones athin the time thit the consultation is stull open. Please mak siccar thit yer consultation repones is submittit afore the shuttin date, Thursday 8 December 2022.

Gif ye arena able for tae gie yer repones uisin oor consultation hub, please fill oot the Respondent Information Form an email hit tae: GaelicAndScotsConsultation@gov.scot

Haunnlin yer repones

Gif ye gie yer repones uisin the consultation hub ye wull be sent tae the Aboot You page afore submittin yer repones. Please let us ken hou ye are wantin yer repones for tae be haunnilt an mak siccar for tae say whither or no ye wad be gled for them tae be publishit. Gif ye say ye dinna want yer repones for tae be publishit we wull tak them as confidential an we wull haunnle them as sic.

Aw thaim thit gie repones maun be aware thit the Scots Government is haudit tae the provisions o the Freedom o Information (Scotland) Act 2002 an as sic wad hae tae consider onie speirin makkit tae hit unner the Act for information tae dae wi repones gien tae us as pairt o this consultation exercise. Gin ye arena able for tae gie yer repones via Citizen Space, please fill oot an sen in the Respondent Information Form includit in this document.

For tae fin oot hou we haunnle yer personal data, please tak a deek ower oor privacy policy: https://www.gov.scot/privacy/

Neist steps in the process.

Whaur thaim thit haes gied permission for their repones tae be made public, an efter we hae syit throu them for tae check there nae defamatory remairks, repones wull be made available tae the public at http://consult.gov.scot. Gif ye uise the consultation hub for tae gie yer repones ye wull get a copy o yer repones via email. Efter the shuttin date o the consultation aw repones wull be analysed an considerit alang wi onie ither evidence available tae us.

Repones wull be publishit whaur we hae been gien permission for tae dae sae. A analysis report wull be makkit available tae.

Comments an complaints

Gin ye hae onie thochts anent hou this consultation exercise haes been conductit, please sen them tae the contact address abuin or tae ConsultationPSC@gov.scot.

Scots Government consultation process

Consultation is a essential pairt o the policymakkin process. Hit gies us the chance for tae consider your thochts an expertise on a gien piece o wirk thit is gaun forret. Ye kin fin aw wir consultations online : http://consult.gov.scot. Ilka consultation gaes ower the issues unner consideration, as weil as gien a wey for ye tae gie us yer thochts, either online, bi email, or bi post.

Repones wull be analysed an uisit as pairt o the decision makkin process, alang wi a bridth o ither available information an evidence. We wull publish a report o this analysis for ilka consultation. Depennin on the naiture o the consultation exercise the repones gien micht:

• pynt tae a want for a policy development or hits gaun ower
• gie a haun wi the development o a gien policy
• len weicht tae decisions tae be taen atween twa-three policy proposals
• be uisit for tae finalise legislation afore hit is inactit

Scots Government consultation exercises ettle at providin the chance for aw thaim thit want tae gie their thochts on a gien area o wirk for tae dae sae in weys thit wull inform an add tae that wirk.

The Scots Government micht mak the repones tae this consultation paper available tae the public an tae the Scots Pairliament.

Please fill oot the relevant pairts in the repone form for tae mak siccar thit we wull treat yer repones appropriate. Aw repones wull be acknawledgit, analysit an considerit bi the Scots Government Gaelic & Scots Team.

Thaim thit respond maun be aware thit the Scots Government is subjeck tae the provisions o the Freedom o Information (Scotland) Act 2002 an wad hae tae consider onie speirin pit tae hit unner the Act for information relatin tae repones gien in this consultation exercise.