Plana Nàiseanta nan Eilean agus Stiùireadh air Measaidhean Buaidh air Coimhearsnachdan nan Eilean

Co-chomhairleachadh

34. Tha Riaghaltas na h-Alba gu làidir den bheachd gum bu chòir dha Plana Nàiseanta nan Eilean agus dòigh-obrach nam Measaidhean Buaidh air Coimhearsnachdan nan Eilean a bhith air an cruthachadh mun cuairt air beachdan choimhearsnachdan sna h-eileanan agus dhaoine eile le ùidh sna h-eileanan, gu ìre cho mòr ’s a ghabhas. Airson seo a dhèanamh, chaidh pròiseas co-chomhairleachaidh dà-fhillte a chruthachadh.

35. An toiseach, bidh suirbhidh air-loidhne ri fhaotainn tron làrach-lìn Citizen Space. Gheibhear fiosrachadh mun phàirt seo den cho-chomhairleachadh agus mar a thèid na toraidhean a làimhseachadh nas fhaide air adhart san sgrìobhainn seo.

36. San dàrna àite, thèid na toraidhean air-loidhne an cur còmhla ri barrachd fiosrachaidh càileachdail a thèid a chruinneachadh tro sreath de thachartasan a thèid a chumail le Riaghaltas na h-Alba air eileanan air feadh Alba. Thèid na tachartasan a chur air dòigh an co-bhonn ri buidhnean ionadail sna h-eileanan agus air an cur air adhart gu farsaing airson gum faigh taghadh farsaing bhon choimhearsnachd an cothrom a bhith ann agus pàirt a ghabhail. Faodaidh muinntir na coimhearsnachd a thèid ann cuideachd cur ris an suirbhidh nas monaidiche air-loidhne cuideachd agus thèid am brosnachadh gus seo a dhèanamh – ach chan fheum thu tighinn gu tachartas airson an t-suirbhidh a lìonadh.

37. Thèid am pròiseas co-chomhairleachaidh a stiùireadh le Riaghaltas na h-Alba an co-bhonn ri Ionad Shrath Chluaidh airson Lagh agus Riaghladh Àrainneachdail le taic bho Chaidreachas Eileanan na h-Alba.